Chok王林峯前晚錄影《華麗明星賽》全程被喪玩，但他依然chok住任玩，在甫士王環節中他更獲厚待播着自家歌曲《Chok》。林峯與王祖藍合力擺甫士時，由於祖藍與峯妹林蔚殷有九成相似，兩人齊擺chok樣即笑爆全場，蔡一智更笑指林峯連籮柚都chok過人。
林峯、王祖藍、黃宗澤、MandyLieu、薛家燕和阮兆祥等前晚到將軍澳電視廣播城錄影《華麗明星賽》，雖然MandyLieu以低胸露背裙示人，但全場焦點仍在chok王林峯身上，蔡一智介紹林峯出場時說：「之前十幾個嘉賓都用你招牌上嚟，就係chok，家chok一嘢嚟睇。」
森美一字馬失禮
與王祖藍編成一組的林峯合力玩甫士王，林峯先說：「之前好多人話我哋演唱會啲甫士好似。」兩人即大擺chok樣，由於祖藍與峯妹林蔚殷有九成相似，兩人並排時即如兄妹一樣，祖藍也忍不住說：「我都震一震，點都唔夠佢chok。」林峯更獲厚待播住自家歌曲《Chok》擺chok樣，即時連中五個，蔡一智笑說：「你睇吓，佢唔使擺chok，啲籮柚、手指尾都chok過人。」林峯即笑笑口多謝大家。
現場個個都爭認似林峯，阮兆祥又自認似林峯，並笑指在TVB似林峯就最開心。森美玩遊戲時更做埋一字馬，不過做完之後卻無法起身，十分狼狽，最後要草蜢扶起來，他即笑言內褲已爆胎，又說：「唔使驚，自己已經生咗兩個。」
Mandy避談梁洛施
此外，MandyLieu早前被拍得與老外約會，前晚她自言感情事會順其自然，談到梁洛施日前返港，她表示並不知情，表現避忌，MandyLieu否認說：「冇話方唔方便，不過冇乜嘢好講，最緊要開心。」
採訪：楊潔雯
攝影：葉君海