華置於96年以1.028億元購入CHicの堡前身商場後，打造成專賣潮流服飾的年輕人商場，總樓面面積約1.7萬方呎。商場早年由大業主持有，不時邀請人氣明星定期舉辦宣傳活動，增加知名度。不過，自華置05年「拆場」出售後，商場人氣便開始走下坡，但仍有九成樓面租出。
租客：每個月僅維皮
目前在1樓及3樓有兩個舖位營業的租客葉先生表示，「自己05年開始入呢個商場，初頭人氣幾旺o架！頭幾年都有錢賺。」不過，之後業權開始分散，商場再無任何大型宣傳，人流逐年減少。
葉先生店舖以售賣「板仔」服裝為主，平均每件250元起。他搖頭嘆息道：「家通脹咁犀利，後生仔零用錢淨係搭車食飯唔夠用，邊有咁多錢成日嚟買衫﹖」他透露，平日營業額大概1500至2000元，星期六日可能有5000至6000元，但3月加租後至今都未有一個月賺過錢。
於3樓租用兩個舖位的鍾小姐亦指，商場始終以男裝為主題，難及女性商場旺場，如非同區其他商場太貴租及無空位，都未必在CHicの堡租舖。她獲悉華置正拆售舖位，即回應「有錢都唔會考慮，家每個月都係僅僅夠維皮」。