許志安最終並沒如全城期待於演唱會尾場，向女友鄭秀文（Sammi）求婚，僅以情歌飛吻冧女友，此舉足以令看足三場的Sammi進入瘋癲狀態，她更一時興奮將手上的吹氣棒打中身旁的老闆林建岳，令他眼鏡飛脫。
許志安前晚在紅館完成尾場個唱，悉心打扮戴上安仔最愛粉紅色頭箍的「許太」鄭秀文，於晚上8時正抵達紅館，較之前兩場7時多現身遲了，可能與她特別為安仔準備兩隻深井燒鵝髀有關。全場萬多名觀眾都期待見證安仔歷史性求婚的一刻，當Sammi步入貴賓席時，即時搶盡台上的安仔風頭。
Sammi坐在老闆林建岳身旁，未知安仔是否想每一刻都看清楚Sammi的冧樣，現場不時有射燈照住她。當安仔於台上多謝生命中最重要的人時，全場起哄大叫Sammi，安仔儍笑說：「去到呢啲位又發癲啦，好啦，我數三聲叫完Sammi唔好再嚟。」逾萬人吶喊Sammi，她即洋溢幸福笑容站起揮手，繼而與安仔互相指着情深交流。
安仔自彈自唱定情歌《唯獨你是不可取替》，Sammi咬唇感動眼濕，握手位時安仔獻唱《火熱動感lalala》，Sammi瘋狂揮動吹氣棒，不慎打中老闆林建岳，令他眼鏡飛脫，闖了大禍的Sammi失控大笑。
「求婚得佢喺度」
慶功宴上，安仔被追問明年中跟Sammi在外國小島結婚一事，他笑說：「小島，安全島？唔需要咁刻意咁急，我手上有工作，佢又有，完成晒先。」
安仔最終沒有在台上向Sammi求婚，他說：「求婚得佢喺度，唔使咁多人，我唔知浪漫係點，嗰刻係righttime咪得，喺旺角波鞋街都可以求婚。」追問到此刻跟Sammi是否有沒有婚書也一樣？安仔說：「得o架啦，等我搞。」
問到吃了Sammi的燒鵝髀未？他說：「食咗兩隻，冇餵我，好好食。」對於Sammi打甩岳少眼鏡，講到女友得罪老闆險失飯碗，會否願意給女友長期飯票？他說：「林生冇咁小器。」
採訪：馬建華
攝影：葉君海
