「只要認定對方就會冇嘢」徐濠縈勸鋒芝收火

「只要認定對方就會冇嘢」
徐濠縈勸鋒芝收火

徐濠縈及陳法拉昨日在尖沙嘴出席MarcJacobs眼鏡活動,問到全城熱話、有指謝霆鋒和張栢芝婚變,與霆鋒份屬老友的徐濠縈希望兩人快點雨過天晴,指自己生女之後好像變了另一個人,脾氣收斂不少,反而老公陳奕迅因工作壓力大,時有發脾氣。

徐濠縈及陳法拉昨日齊現身尖沙嘴,出席MarcJacobs眼鏡活動,兩人被問到城中熱話張栢芝與陳冠希機艙相遇,有指霆鋒不滿栢芝隱瞞此事,致令爭拗不停,有傳二人因此婚變。阿徐及老公陳奕迅(Eason)向與霆鋒稔熟,昨日問到此事時,她說:「呢排好忙,都少見咗,希望佢哋快啲冇事,雨過天晴啦,每對夫婦都會嗌交o架啦。」

徐濠縈自爆生女後大為收火,更不會在家與老公Eason吵吵鬧鬧。 資料圖片

資料圖片

阿徐婚後轉性

阿徐與老公Eason嗌交次數是否頻密?她說:「我生咗女之後好似變咗另外一個人、冇乜脾氣、溫和晒,反而Eason可能工作壓力大,脾氣就大啲。」再問阿徐與Eason以前嗌交時,會否像火星撞地球?阿徐說:「以前就有頂撞,家就得佢撞埋嚟,同埋屋企家有個女,更加唔可以大吵大鬧,要做個好榜樣畀佢睇,其實只要兩個人係認定對方,嗌完交都會冇嘢。」

陳法拉與男友嗌交後會互相冷靜,勝過火上加油。

法拉甚少嗌交

陳法拉也指與男友甚少吵大鑊,她說:「通常大家都會冷靜吓唔講嘢,大家都嬲時講嘢咪仲火上加油?」通常誰先道歉?她說:「咁就要睇係邊個錯先。」
採訪、攝影:LoMui