車路士球星林柏特（左）諗住問老細阿巴莫域治借架豪華遊艇出海輕鬆吓，但今次唔係淨係遊船河咁簡單，而係諗住趁機同女友姬絲甸（右）求婚，認真有心思！32歲嘅林伯同姬絲甸拍咗拖年半，姬絲甸已經認定對方係終生伴侶：「好難想像冇咗林柏特嘅生活會係點，我知佢會隨時向我求婚！」英國啲小報仲爆料，林伯喺成個6月都會做「跟得男友」，陪住姬絲甸，之後佢哋就會喺倫敦結婚。