老眼就要昏花？72歲嘅安老事務委員會主席梁智鴻醫生，原來早喺十幾年前因為白內障換咗人工晶體。金刀梁家視力好到不得了，「以前好多人有錯覺，以為年紀大實睇唔到嘢，其實好多時係白內障，所以有少少問題，應該睇醫生，因為眼有問題，對生活好大影響」。至於中大有眼科教授被揭擅自帶女友入手術室觀摩，梁醫生話唔評論住；應該係冇眼睇啩。