【本報訊】中國藝術品拍賣成交價屢創高價，國畫大師張大千的《嘉耦圖》昨較底價高出近12倍沽出。本地中國藝術品經銷商指出，港人跟內地買家「冇得鬥」，應避重就輕購買名家二線作品等待升值，「呢個瘋狂巿況會維持7、8年，家買唔起石斑，咪買紅衫魚，唔使幾耐會變成石斑。」
專營中國古玩工藝品的國際經銷商永寶齋創辦人翟健民，去年11月在英國拍賣會跟內地大連萬達集團董事長兼政協常委王健林競逐乾隆粉彩花瓶，一度出價3億元也鎩羽而歸，遭對方以6.67億元天價奪得。翟健民指出，本港及東南亞的買家與內地炒家「冇得鬥」，「內地熱錢咁多，炒完股炒完樓，啲錢咪炒到藝術品，1.9億嘅張大千作品，香港人點買得起。」
也有藏家唱反調
翟健民建議有意入巿投資中國藝術品的本地愛好者，可選擇購買一些名家二線作品，如昨日佳士得拍賣會，有不少張大千、齊白石畫作只需百多萬元，假以時日隨時可升值數倍。
本地收藏家唐楚男則大唱反調，他認為現在中國藝術品炒到瘋狂，港人不應入巿犯險，「呢啲藝術都有好多假貨，冇番咁上下功力好容易中招；有錢不如買層樓嚟炒好過。」