【本報訊】70後網民野仁經常替高官肖像「改圖」諷刺時弊。本年初內地打壓茉莉花運動，他把國旗上的五粒星變成五朵茉莉花，大獲好評。他遂把茉莉花概念延伸至六四和艾未未T恤，在facebook吸引過百個like。艾未未圖案更變成塗鴉，滿街滿巷遍地開花。
他再下一城設計T恤，在Q版艾未未頭頂栽一朵茉莉花，過百名網民like，「社民連攞嚟印TEE，大陸廠唔肯印，喺香港印，質地反而靚啲。」他看新聞才知道有網民用其設計製作塗鴉和投影圖案，「有個o靚仔喺網上問我借圖案，我梗係應承，睇新聞先知佢畀咗塗鴉少女周街噴。」
華僑徵用製六四宣傳品
野仁繼續沿用茉莉花概念設計六四T恤，把Wii標誌分拆成ViiV、搖動Wii手掣散發茉莉花。美國華僑也聯絡他，徵用設計製作當地六四宣傳品，「傳統設計都係用民主女神、火炬，後生仔可能覺得悶。我嘅設計係想點一個火，吸引後生仔去留意、反思。」
野仁慨嘆，六四後香港的言論空間收窄，創作土壤越見貧瘠，設計業界都不敢觸碰敏感議題，自我設限，「身邊嘅人開始唔講政治，淨係風花雪月。行家設計第一樣嘢就諗會唔會得罪人？會唔會俾人投訴？」他自資開設計公司，家住半山，卻沒有半點安全感，「六四不斷以另一種形式重現，艾未未、趙連海都係受害者。社會一日冇民主，我嘅生活一日都冇保障。六、七十後肩負教育下一代嘅使命，將平反六四嘅精神一路傳落去。」