許志安前晚在紅館舉行第二場演唱會，鄭秀文（Sammi）甫開場已現身觀眾席撐場。據悉安仔和Sammi計劃明年中結婚，大批fans率先自製「許太」燈牌給Sammi，安仔在台上表明Sammi是他生命中重要的女人，難怪令她冧爆甜笑。
一連三場「許志安OnandOn25週年演唱會」前晚演出第二場，鄭秀文一早到場為安仔打氣，開場前已現身台下觀眾席，引起哄動。除了Sammi外，好友楊千嬅和老公丁子高、陳奕迅和方力申也到場支持。
萬人大叫Sammi
場內fans幾乎整晚也不停大叫Sammi，前晚和昨日均有fans高舉「許太」燈牌，率先代安仔向Sammi送上名份。由於fans不停叫Sammi，搞到安仔說話也被打斷，最後他順應fans要求說：「你哋咁想叫，咁叫一次好啦。」全場過萬fans即時齊心大叫：「Sammi！」觀眾席上的Sammi聞言即露出甜笑。安仔在台上剖白時直言：「我生命中有幾個女人對我真係好重要，而且真係好錫自己。」話未說完，現場fans又不停大叫Sammi，安仔最後尷尬笑笑默認：「佢係其中一個。」Sammi聞言冧爆甜笑。
Big4前晚繼續擔任嘉賓，搞鬼的張衞健在手及腳弄上假紋身搶鏡，不過最抵死是他拿出四支牙刷出來，與梁漢文和蘇永康一同唱安仔的牙刷廣告歌《尖尖尖》，接着他更口不擇言說：「希望有生之年，每場安仔演唱會都有份演出，不過如果你已經唔喺度，咁OnandOn演唱會就改為OnandOff囉。」
「我做咗十叔公」
當晚安仔不少親友捧場，其中有一位小妹妹在觀眾席上，安仔看見便走上前跟她錫錫，安仔說：「佢係我哥哥個仔個女，我好後生就做咗十叔公。」
撰文：葉雪