波多黎各後衞巴里亞（中）喺今季季後賽打出佳績，成為控衞傑特休息時的好幫手，即使今季約滿亦不愁出路。入楔速度驚人嘅巴里亞，想當年喺波多黎各前往美國求學嗰陣，去到邁阿密某間高中，當時嘅教練認為佢素質一般，最終冇收佢；今次巴里亞講番呢件事出嚟，擺明寸個教練冇眼光，亦都揭露咗佢同邁阿密之間嘅「深仇大恨」。