【本報訊】「加咗人工，責任感都會重啲！」68歲的貴叔在太子一單幢式大廈任職保安近三年，最低工資實施後，月入增加三分一，由6,000元增至8,736元。業主立案法團明天向他發放5月份薪金。他說，賺多了固然開心，會更落力工作，「受人錢財，替人消災嘛」。
每天四小時保安真空
貴叔工作的大廈有兩名全職保安，原本全日24小時都有保安駐守，但最低工資實施後，大廈為節省開支，將夜更保安的工時由12小時減至8小時，日更保安維持不變，因此每日會出現4小時保安真空。貴叔是日更保安，每日工作朝六晚六，月薪原本6,000元，5月1日起增至8,736元。他說，人工增加後他會更落力工作，由於自己在工作地點附近居住，過去一個月不時會主動提早上班當值，「做人無本錢、無本事唔緊要，最緊要有本心，加咗人工，辛苦啲都覺得值得嘅」。
貴叔說，雖然明日才出糧，但過去一個月使錢已「鬆手咗」，額外開支主要用於日常飲食，「平時十幾廿蚊買個飯盒，家可以食好啲，三、四十蚊都捨得，可以食海南雞、咖喱牛腩，唔使齋食燒味」。
很多老保安擔心最低工資實施後會被淘汰，貴叔卻「冇有怕」。他說，只要工作有責任感，相信僱主「識貨」。他又提醒有意入行的打工仔不要看輕工作難度，「做呢行要一眼關七，其實都好大壓力」。
物業管理及保安職工總會總幹事李凱說，工會早前訪問約400名從業員，近八成5月1日起加薪，加幅平均兩成。