熱刺長人高治之前同模特兒女友艾比生咗個可愛精靈嘅BB女蘇菲，佢哋仲計劃喺下個月30日拉埋天窗。艾比產後極速修身，身形非常苗條，確係令唔少媽媽羨慕不已，但湊B手法就令人不敢恭維。日前佢帶兩個半月大嘅蘇菲出街，由於佢着住對極高嘅高踭鞋關係（圖），搞到自己非常狼狽，而且仲好似好忟憎咁，睇嚟「湊B之道」仲有排學。