華叔離開前話過佢愛支聯會義工，張文光喺書中透露，華叔組織支聯會凡事親力親為，更加有兩項堅持：一係寫揮春，另一樣係愛護義工。華叔自90年開始喺維園寫揮春，慢慢擴展到港九新界，張文光話華叔年年擺檔寫揮春，估計每年寫揮春時間長達100小時、寫咗20萬張，可以列入健力士紀錄大全。
華叔非常愛護支聯會義工，因為大家都不求名利、年年堅持，其中一位女義工劉常佳因腸癌離世，最令華叔難過。劉常佳病重時，正值華叔參加立法會選舉，劉為未能投票深感遺憾，叮囑華叔於她死後將民運T恤和襟章陪葬，到六四平反時更要到墓前告訴她。如今這個重任便落到張文光同其他義工身上。