每年7.1之所以有咁多人出嚟遊行，一班激起人怒火嘅反派真係「功不可沒」。如果冇佢哋做埋啲衰嘢講埋啲風凉話激起民憤，香港嘅公民社會邊會進步得咁快。所以呢，七一上街圖都特別加插咗呢班「民主黑臉」，首選推介係掃把頭同香港江青，佢哋一個拎掃把、一個揸住雞毛，高呼「我唔係黑馬」。
唐唐就喺分域道炒車搞到車毀人亡，CY喺佢面前暗笑「少一個人同我爭做特首」。鬍鬚曾喺街上派6000蚊想平息民憤，但係市民就錢照攞街照上。中區見到鷹派一哥曾偉雄下令警察鎮壓。煲呔同董伯都有登場，一個喺禮賓府外話自己冇做好份工，一個就話人民上街，我腳痛下台。