港股反彈咗幾日，恒指升到阻力位，今日期指結算，上禮拜五花旗股市微升，相信今早繼續好淡爭持。技術上恒指企穩23200樓上，會伺機上試23350。
花旗、歐洲同中國政府面臨「鬆緊」嘅抉擇，花旗係兩黨之爭，為美債帶來不明朗因素，歐盟面對歐債危機惡化，而中國民間資金緊絀，都有放寬銀根嘅壓力，要留意變化。
聯通C輪11220：聯通（762）收16.80元，升2.8%。股價喺4月初打破橫行區向上推進，其間一直沿10日同20日線上移，走勢好靚，啱啱配合大成交突破保歷加通道頂，新升浪睇19.50元，可以諗吓隻C輪11220。
隻輪現價23.2仙，2012年6月1日到期，行使價16.88元，溢價14.3%，引伸波幅35.5%，槓桿率7.2倍（有效4.1倍），正股升上19.50元，11220睇40.8仙，升幅76%，正股跌穿15.90元就沽咗隻輪。
俊樺