鄭欣宜今日24歲生日，相信佢多數會同男友Mark一齊過，所以佢噚日就率先同fans慶祝咗，欣宜同一大班fans去咗唱卡拉OK，唔單止咁，原來佢哋個生日派對係以動物做主題，身為壽星女嘅欣宜為咗貼題，着咗套粉紅儍豹衫出現，既搞笑又搶鏡，至於fans就送上一個龍貓蛋糕，相當可愛，但係欣宜唔記得帶個蛋糕走，真係大頭蝦。