袁詠儀（靚靚）和森美等昨日擔任商場親子活動比賽的評判，見她狀甚享受，她說：「小朋友時候係最純真，親子時間好緊要，要睇吓爹哋同媽咪放幾多心機落去。」
問到靚靚是否放很多時間陪兒子？她笑說：「我好盡力同個仔玩，但佢唔係好騷我，淨係黐住爹哋（張智霖），我有日都問佢點解咁樣，點知佢答我個個小朋友都係咁。」
拒接無綫新劇
早前有指靚靚將返內地拍劇及無綫監製莊偉健有意找她開劇，靚靚說：「內地要睇劇本同其他條件，有啲條件難妥協，所以停咗喺度。無綫嗰面係莊偉健一廂情願，報道見街後無綫都有人打電話畀我話唔好意思，年代劇唔好喇，要化妝好多時間，我想隨時可以做番自己嘢，希望有機會再同無綫合作。」
採訪、攝影：文國駿