無綫劇《點解阿Sir係阿Sir》前晚播大結局，適逢當晚羅Sir陳豪和MissHo楊怡一同到邵氏片場出席AudiA6新車發佈會，楊怡更穿火紅低胸裙現身，夠晒搶鏡。
陳豪在劇中因欺騙MissKoo鍾嘉欣的感情而被觀眾指為「世紀賤男」，陳豪聞言苦笑說：「咁大個仔都未試過畀人咁叫，真係大吉利是，好彩冇觀眾真係咁叫我。現實中我真係冇咁樣呃過女仔，不過咁證明觀眾睇得投入。」楊怡在旁笑說以前街坊見陳豪會送雞蛋，但現在會向他狂掟蛋。至於觀眾力撐鍾嘉欣可奪視后，楊怡表示：「我撐佢呀，但都撐自己啫。」
克勤續約有變數
同場還有JaniceMan及表演嘉賓李克勤，已和環球約滿的克勤被問到去向，他笑稱：「今日好近（指無綫），好耐冇聞呢區味道，唔知係咪有玄機？」克勤指尚欠環球一張國語碟，完成才可離開，至於續約機會，他說雙方關係很好，但一日未動筆仍有其他機會，他會小心考慮。
採訪：卓寶花 攝影：仇志德
