回憶總是甜蜜的。「鐘錶美女」胡敏珊（Christie）近年迷上收藏古董銀器，銀枱燈、銀盾牌、銀刀銀劍，Christie最愛撫摸舊物帶來的無限想像空間，讓思緒飛回往昔，在忙碌的日子中，偷一份用錢買來的時光倒流！ 撰文：DebbieLum
鐘錶美女胡敏珊心多怕悶，代理過、設計過的鐘錶，由複雜機械錶、玩具錶、潮錶，到自家設計的blingbling腕錶都有。自認儲物癡，Christie儲物癖好，一樣心多多，古董傢俬、手錶、毛公仔、佛像擺設、手錶等，又多又雜，一如所有收藏者面對的問題，Christie要在上環租幾千呎倉庫，擺放各類心頭好。
享受穿梭古今
近年Christie最愛之一是儲藏各式古老風情舊銀器擺設，十幾年前跟前男友做代理品牌，因生意認識了製銀廠，在看銀的過程中，慢慢愛上銀器的質感、光澤與味道。流行一時的簡約流線美、拋光鏡面的摩登北歐銀飾，不是Christie的那杯茶，她沉迷古舊、泛黑的手工製銀器擺設，愛的正是舊銀免費附送的想像空間，還有那一份heritagemood。
Christie說：「我鍾意銀有一種古老嘅感覺，好calm，好classic。我鍾意睇住件銀器，摸吓、諗吓、想像吓，好浪漫！例如我拎住一塊古董車嘅銀牌，我會諗，如果生喺嗰個年代，車入面嘅梳化會係乜嘢樣，我會同乜嘢人一齊、化個點樣嘅妝？會唔會着住條好傘嘅裙？好大頂草帽，好似時光倒流70年咁？」
合眼緣不論價
愛幻想、也愛胡思亂想，Christie從舊銀世界，得到如坐時光機的快樂，所以她的collections千奇百怪，為她創造了無數不同年代的發夢背景。沒有正式計算過，她估計大約只有幾十件的銀器，當中包括：巨型銀盾牌、半個人高的雕花銀鏡框、古老銀製士兵造像，以至80、90年歷史的古董銀頸鏈、一盒盒的古董銀郵票等。
不講究年份、不講究品牌、不去計算價錢，買銀全部靠眼緣，舊銀以外，近年也買新銀。她說：「通常都係睇中鍾意就買，唔通仲要左諗右諗咩，又唔係好貴嘅嘢。銀冇金咁loud，又比銅值錢，戴嘅要keep住抹，擺設可以搬來搬去，放公司、放屋企又得，實用得多。」她笑言如果當初儲金的擺設，現時金價高企，升值能力更高。
提升家居品味
Christie自言04年至07年最沉迷，最瘋狂一次是05年在英國Portobello附近的古董店，在舖內行了一圈，就買了6位數字古董銀器，當中包括直徑達3米半的銀製大盾牌，她說：「行過舖頭，覺得好得意咪買，買咗之後，求其放喺屋企一個角落，即刻將屋企嘅modernmood轉成另一種味道，古董舊嘢就係有呢樣咁神奇嘅力量。」現時朋友知她愛銀，會結合她的另一心水TeddyBear一次過送禮，一舉兩得，她說：「我第一件銀嘅生日禮物，就係英國朋友送嘅銀製bear，可惜後來搬屋俾工人整爛咗。」
場地：HabitatLounge（TheQREPlaza）
熊仔甜蜜回憶
胡敏珊現時代理多個品牌手錶，未來會再開拓健康腕錶，身份變成創辦人、女企業家。她直認現時內心仍很少女，十幾歲開始儲的熊公仔，儲到超過二、三百隻，影相當日只帶了十分一。
重溫母愛
Christie主力儲百年歷史德國老號、發明TeddyBear的Steiff出品，但歷年收到的TeddyBear也會一一留起。TeddyBear是屬於她作為女兒、女友的甜蜜印記，Christie說：「細個乜bears都買，太子大廈曾經有間專賣Steiff嘅舖頭，我每次行過就去買，覺得好開心。初初出嚟去ball、做訪問，細路女好驚，我有一隻藍色細bear，驚嗰時就放喺袋，緊張就捉住佢。」
和TeddyBear相關的時光都是開心美好的，例如：母親生前與她到泰國時在SiamSquare買的喱士熊仔、隨她不斷搬office的迷你熊、自己設計的bearwatch等。回憶還包括過去了的愛情，試過夜晚10時，男友拿着和她一樣高的Foreverfriends公仔在門口出現，想起都心甜。
