黎燕珊噚日喺中環為亞視台慶試戴過三千萬嘅首飾，自稱首次戴咁貴重首飾嘅黎燕珊，話大會除咗當晚派專員保護外，仲已經買咗過千萬保險：「我自己買金多，但係我嘅首飾同呢套相比，真係唔敢拎出嚟講！」講到亞視台慶當晚節目，黎燕珊就話高層王征透過亞姐組成嘅仁美清敘，捐咗二百萬返內地幫助山區學童，所以當晚就會喺台慶宣佈有關細節。