唔覺唔覺國際特赦組織（AmnestyInternational,AI）已經成立50年，噚日佢哋喺上環一間畫廊舉行慶祝活動，邀請李卓人、余若薇同程翔做演講嘉賓。阿人喺台上大爆，89年佢將港人嘅捐款運去北京俾公安扣留，當時AI將佢列入營救目標，諗住同北京講數要求放人。
聽到阿人咁講，程翔都不禁有感而發，佢05年俾中共指控間諜罪，AI都決定營救。兩人感謝AI為佢哋出過力，勉勵AI繼續關注中國人權。
噚晚活動以「燃亮人權」為題，邀請黃耀明、又一山人等50名創作人同藝術家，各人以蜂蠟製造蠟燭，演繹言論自由和生存權利。阿人打趣咁問AI有冇申請臨時娛樂牌照，一陣俾警方、食環署有位入就唔好啦。50件蠟燭藝術品將於上環太平山街18號Rat'sCave畫廊展出兩星期。