雖然唔多睇香港電視台嘅劇集，但喺食晚飯時段無可避免咁接收到「三色台」嗰套女版阿旺，真係好惡頂，再加埋個chok冇可chok嘅亞太區最受歡迎男歌手做男主角；我有足夠理由相信，如果套戲係喺「老周電視台」播嘅話，一早已被腰斬，不過由於喺「三色台」播，就成為收視嘅保證。
講開收視保證，今屆歐聯決賽戲碼咁強，相信收視一定好好，不過由於兩隊都唔係我杯茶，所以反而更關心英低組別嘅升班附加賽；好似周日哈特斯菲爾德對彼德堡嘅英甲升班附加賽決賽，原本係喺溫布萊舉行，但因遷就歐聯決賽，就改咗去奧脫福踢，但無論如何，我都係認為哈特斯菲爾德可以贏彼德堡升班。
吾中
星期日12
哈特斯菲爾德vs彼德堡
心水：哈特斯菲爾德（平）
心得：哈隊升班笑哈哈