讀書時候好鍾意「死雞王」連尼加，所以有段時間都幾留意巴塞。嗰陣時嘅巴塞冇家咁勁，而且俾皇馬食住，好記得同連尼加一齊嚟嘅曉士，仲打咗1季就摺埋；至於連尼加就打咗3季，告魯夫一上場前者返番英格蘭加盟熱刺。而喺嗰陣時，曼聯亦係麻麻哋，係就係有唔少球星，好似係「細笠」、麥格夫同埋麥佳亞等，而且仲係由老費領軍，但踢落完全唔掂，邊好似家陣咁喺英超獨大呀。
今晚歐聯決賽由巴塞對曼聯，戲碼好成咁，啲食肆老闆仲唔笑晒咩。呢幾年我都係上啲朋友屋企睇，睇嚟今年都唔例外。兩隊都唔係賣飛佛，呢隊巴塞的確唔係太討好，不過啲波真係好勁，信佢哋可以捧盃。
青蛙仔
星期六1
巴塞隆拿vs曼聯
心水：巴塞隆拿勝
心得：巴塞高曼聯啲啲