廖潔明做咗警務督察協會主席16年，下個月9號就退休，督察會主席一職終於要交棒。廖sir嘅接班人個名相當猛料，名叫「曾昭科」。
熟悉香港歷史嘅人，都會對曾昭科呢三個字有啲印像。因為早喺六十年代，警隊都有位同名同姓嘅要員。老牌曾昭科1925年喺廣州出世，九龍華人畢業，1947年加入警隊，做過政治部，1961年升做助理警司。不過同年就俾港英懷疑佢係北京間諜，遞解出境，自此一直喺廣州生活，人稱「香港第一諜案」。
至於呢位嫩版曾昭科喺總部返工，負責處理截取通訊秘密監察事務。簡單嚟講，就係專責招呼截取通訊及監察事務專員胡官。佢噚日同八方講，佢同上述嗰位曾sir，「一個20後，我就70後」，雖同名同姓，但並無關係。