無綫咪神徐淑敏（Suki）最近承認懷第二胎，今年9月迎接囡囡誕生，但前晚卻傳出其夫婿黃浩（Kenny）因思念亡父、大前晚仰藥自殺送院的消息。Kenny昨日親自回電否認，他表示近日因父親離世而借酒澆愁，加上失眠服食安眠藥，但沒有仰藥自殺，他堅稱只是入院做睡眠測試。
徐淑敏的丈夫黃浩被傳於大前晚自殺入院，有指他近日經營的日本餐廳受地震事件影響，生意回落，加上黃父早前病逝，一向侍父至孝的Kenny大受打擊，故傳出他以酒精混合藥物服食出事，前晚在養和留院，昨午他已低調出院回家。兩夫婦前晚分別傳短訊回覆本報記者否認事件，Kenny昨日更親自開腔否認，他強調熱愛家庭，決不會做儍事。
一晚飲四支紅酒
Kenny昨日親述入院經過，他中氣十足說：「我呢排真係瞓得唔好，我有個習慣瞓唔着會飲少少紅酒，但爹哋早排病咗入院，我心情好差，跟住佢就離開咗，我承認呢兩個月越飲越多，我有時一晚會飲四支紅酒。醫生一早都勸過我，佢都開咗安眠藥畀我。」
Kenny表示醫生近日已建議他留院一晚進行睡眠測試，正好前晚養和有房間，他說：「我咁啱一家喺跑馬地食飯，食完咪入咗去醫院瞓一晚做檢查，因為全身接駁咗儀器，唔聽得手機，所以咪覆唔到記者，噚日起身睇到咁多短訊同留言，我都嚇咗一跳。」
Kenny再三否認自殺，他說：「我有個咁好嘅老婆，佢又懷第二胎，我好快再做爹哋，囡囡又咁得意，點會做儍事。阿爸走咗，我係屋企唯一男丁，家成屋女人，我要肩負養家責任，點可以唔好好愛惜自己o架。雖然我好掛住阿爸，但佢嘅後事都搞好晒，我都放心。」
承諾日後少飲酒
為免家人擔心，Kenny承諾日後少飲酒，他說：「呢件事傳出，搞到媽咪同外母都好擔心，不過件事唔係真，但我慶幸好多朋友好關心問候，真係好多謝佢哋。」問到Kenny日本餐廳的生意，他說：「其實近日開始好轉，好番好多。」
採訪：比華利
