湖人名宿謝利韋斯（圖中）日前正式出任勇士嘅顧問，今次佢呢個Post嘅責任，同之前喺湖人、灰熊出任總裁唔同，今次絕對冇最後決策權，名副其實係得把聲。之不過謝利韋斯反而好開心，佢話呢個係新嘗試，對家住洛杉磯嘅佢嚟講亦係一份優差。謝利韋斯加盟勇士，或者會促成湖人助教梳亞「過檔」做勇士新教練，勇士呢次仲唔賺晒！