吳卓羲（Ron）、陳茵媺、蒙嘉慧（阿Yo）昨日在將軍澳電視廣播城為新劇《ATF反恐》試造型，陳茵媺與陳豪緋聞撻着後人氣急升，連無綫也看準時機，安排她孭飛做新劇女主角，並以女性形象出現，她說：「一出嚟拍劇就短頭髮，希望改變吓，本身都留緊長啲頭髮。」Ron與陳展鵬在劇中會同時愛上陳茵媺，兩兄弟為爭女反目。提到近日其前緋聞女友張馨予將推出性感寫真，Ron說：「唔知道呀，會睇吓靚唔靚，靚都會買，都要支持吓朋友。」
蒙嘉慧愛滄桑感
今次是阿Yo與無綫改以部頭形式合作後再拍劇，阿Yo今次有雙重身份，飾演記者及間諜，劇中她會與陳展鵬有感情線，阿Yo笑說：「我唔啱Ron，望落似佢家姐多啲，我啱陳展鵬呢種滄桑感。」
採訪：卓寶花 攝影：仇志德