噚日華華收到一幅喺利嘉閣舖外面影嘅相，以為平平無奇，但細味每個盤嘅推銷句語，雖然短短4個字，但原來創意無限。
18個盤嘅標語中僅6個「正常」，其餘嘅，除咗「上康怡927呎，頭文字D，售850萬」無厘頭之外，其他嗰啲可謂極度意淫，例如「野戰首選」、「換套任吉」，究竟發生咩事？
其實張相前一晚已經開始喺網上廣泛流傳，仲好快變成喺facebook瘋傳。係由「地產霸權」網站最先流出，相中所見明顯係利嘉閣鰂魚涌分店。華華想搵利嘉閣啲高層了解吓，點知個個都話開緊會唔得閒傾，咁到底邊個咁叻寫到呢啲四字經呢，點解會出到街貼到出嚟呢？希望有人幫華華解開呢個謎。