花旗股市喺支持位轉為窄幅拉鋸，技術上算係略為轉穩。歐債危機仲係市場焦點，要密切留意相關消息，相信環球股市下一輪波動仍然會由歐債消息帶動。
港股前日已備反彈條件，但噚日先行低開，削弱股民入市信心，不過午市逐步向好，恒指報收22747，反升16點，呈單日轉向，成交略增，加大咗恒指上破23000關嘅機會，恒指現突破，上望23250。
領匯C輪29062：領匯（823）收25.25元，升1.4%。股價早排喺幾條平均線密集區反覆，近幾日開始向上推進，噚日挾大成交突破25元關，料會向28元推進，可以諗吓隻C輪29062。
隻輪現價23.1仙，2012年2月2日到期，行使價27元，溢價16.1%，引伸波幅41%，槓桿率10.9倍（有效4.9倍），正股升上28元，29062有機會見38.4仙，升幅超過6成，如果正股跌穿24.20元就沽咗隻輪。
俊樺