屹立銅鑼灣接近40年的富豪級南貨品老三陽，可謂見證羅素街及利園山道的變遷及繁榮代價。「三十幾年前個舖頭開始喺啟超道營業，跟住搬去利園山道，到家白沙道，睇住地鐵起、電車廠拆，從來都未離開過呢度！」老三陽董事總經理祁玉鳳將羅素街一帶的往事娓娓道來。
民生舖相繼結業
祁玉鳳指出，電車廠未拆前，羅素街是街市，多為菜檔、肉檔，環境衞生一般。當年老三陽已在利園山道營業，「旁邊係燒味舖、藥房，周圍仲有啲茶樓食肆，都係啲民生嘢。」
「九十年代初，怡和街一帶聚集好多日式百貨公司，當年消費群由日本人支撐，所以嗰邊好旺」。直到時代廣場落成，區內才逐漸起變化。之前有一些芝士蛋糕等小食受歡迎，周圍曾有多間小食店，但熱潮只有兩、三年。及後至千禧年前後，羅素街一帶開始有大量電訊服務商進駐，之後就輪到個人護理及化妝品，其後再後國際服裝品牌專門店取代。
自03年開放內地自由行初期，其實仍無太多名牌鐘錶珠寶店落戶在羅素街一帶。「直到06、07年開始，就見到鐘錶店越開越多。」因為本港相同貨品定價已較內地便宜，加上人民幣升值因素，令更多內地客在港掃貨，顧客一次過買數10隻價值數十萬的鐘錶，形成鐘錶店搶租的序幕。
由於鐘錶店出價高，老三陽位於利園山道的舖位亦被鐘錶店看中。祁玉鳳透露，舊舖位到期續約時，曾與業主磋商新租金，現時經濟好，明白加租是大勢所趨，但加租幅度實在太高，最後決定搬遷到白沙道；原位亦很快被國際品牌Swatch搶佔。
「家鐘錶業生意好，相信鐘錶會開到成行成市，連利園山道都多咗好多間。」不過，祁玉鳳相信，經過她於這區接近30年的觀察，未來十年隨時再有翻天覆地的變化。