台灣搖滾天王伍佰最近喺台北舉行攝影展，跟住要籌備新碟，8月底會先做四場台灣巡迴音樂會，真係忙到不得了。佢話攝影展中預留限量20張相賣畀fans，仲好快賣晒，但收入唔夠展覽嘅開銷，但就口碑同反應都好，伍佰話唔介意貼錢，所以嚟緊仲會喺台中同高雄再搞，到時一樣推出限量相售賣，希望反應一樣熱烈喎。