羽翹早前在柴灣青年廣場舉行兩場「ListentomeAvaLive」音樂會，對於處女個唱，羽翹直言緊張到消瘦，令原本身材已沒甚睇頭的她激成平胸族。羽翹說：「真係好緊張，因為第一次要唱歌、跳舞同彈琴，搞到成日瞓唔着同食無定時，呢個月足足瘦咗五、六磅，因為本身都冇乜胸，再瘦落去真係唔知點算。」
盼進軍紅館
向來唱慢歌為主的羽翹，為加強舞台效果，故積極練舞和練琴，她說：「彈琴對我嚟講壓力都好大，因為今次主要好似演奏咁，雖然本身都有八級鋼琴，但細個考完後都疏於練習。」
跳舞同樣令羽翹很擔心，她說：「讀大學都有參加舞蹈社，但通常都俾人排到最後，盡量唔好影響隊形，所以都驚驚哋。」羽翹又為自己立下目標，她說：「希望喺紅館開更大型嘅演唱會，唔知兩、三年之後做唔做到。」採訪：王崇穎
攝影：陳俊強