麥潔文婚後相夫教子，近乎半淡出樂壇，只是偶爾會與好友共聚參與群星共唱，今年她鐵定開個唱過足歌癮，雖然十多年沒有新歌上場，但她絕不擔心，有信心以經典歌曲情繫歌迷，還得到家人全力支持。
以一曲《勁舞DancingQueen》在80年代唱到街知巷聞的麥潔文（Kitman），曾經推出過不少經典歌曲，至婚後Kitman才淡出樂壇，又當上老師教唱歌，間中會現身舞台演出，今年她終如願以償，將於香港大會堂舉行一連兩場的個人演唱會。
老公出力支持
Kitman坦言現時家庭狀況令她輕鬆自在得多，她說：「匿埋咗十幾年，主要因為結咗婚，有家庭又要湊小朋友，家仔女都大個，我就反而可以過番以前做女嘅生活，有時間同老公（江華）拍吓拖。」今次是Kitman自85後再次開個唱，家人全力支持，她說：「最開心係兩老，一個係老公，一個係老竇，老公到時都會幫手，但會唔會即興上台就仲未知。」
演繹別人的歌
近年Kitman沒有推出新作，她表示並不擔心，還滿有自信地說：「家啲人都係聽舊歌，我突然出新歌反而擔心觀眾消化唔到，但會以舊歌新唱形式，而且會加插唱其餘歌手啲歌。」
Kitman表示暫定開兩場已夠她過足歌癮：「對自己嚟講啱啱好，唱太多場冇咗真正樂趣，好彩之前一路有唱啲雜錦，當係熱身，所以都唔會太大壓力。」採訪：卓寶花
攝影：林德雄