小儀、細So、Otto以及楊詩敏（蝦頭）昨日到商台宣傳下月於藝術中心演出的舞台劇《戀LoveLove》，眾人再一次拿小儀被指整容作話題。Otto指小儀最應該增高，他說：「佢其實要整嘅話，第一樣嘢梗係整高啲啦。」細So笑言小儀真的有整容，小儀即在旁澄清說：「冇，真係冇整呀，家啲人成日話興尖面，我先唔會去整，我深信有一日會興番我呢啲闊面。」
想咀陳豪
此外，黃柏高早前曾指有意將該舞台劇改拍成電影，問小儀想與哪位男藝人合作，她說：「舞台劇入面都有咀戲，如果拍戲我會叫導演加床戲，同埋我想咀陳豪，佢好嘢嚟o架，我唔介意錫嘅時候有咖啡味，余文樂我都想嗒。反而我唔想再咀森美，我同佢咀得太多，可能多過佢老婆。」
採訪、攝影：李珮洳