中環在線:六叔坐福祉車見股東 - 李華華

中環在線:六叔坐福祉車見股東 - 李華華

電視廣播(511,TVB)控股權年初易手,噚日TVB舉行股東周年大會,華華以為可以見到一眾新股東好似「殼王」陳國強、HTC董事長王雪紅同美國基金股東,點知佢哋統統都冇出席,反而主席邵逸夫就一如以往着得靚靚咁出席股東會。
華華見到103歲嘅六叔精靈依然,佢今年更首次坐住豐田Welcab(福祉車)出席股東會。聽講架車兩年前買入,當時車價約40萬,由於車上電動椅可以轉動同埋升降,又可以成為獨立使用嘅輪椅,所以好方便六叔出入。更重要係,減低老人家行路時被撞到或者俾傳媒碰跌嘅風險,邵太真係細心。至於六叔幾時會唔做TVB主席,邵太話,家暫時樣樣冇變,如有任何變化,會第一時間話畀華華聽喎。