姜依蘭有份代理的童裝品牌昨日在中環開設新店，老公曹永廉及囝囝曹保熙到場支持外，被傳患有腸癌的媽媽李琳琳，與丈夫及細仔齊出席撐場。問李琳琳身體狀況時，她反問：「你哋家見到我，覺得點呀？今日依蘭新店開張，我唔想喧賓奪主。」
曹永廉主內
再三追問李琳琳有否因報道感不快？她說：「我好樂觀，就算真係有病，都係上天嘅安排，不過我真係冇事囉！」臨盆在即的姜依蘭首次當老闆：「同朋友投資7位數，老公有幫手佈置舖頭。」曹永廉笑說：「我做屋企嘢多，男主內女主外冇問題，賺到錢就得。」問姜依蘭可有因媽媽患病的報道影響心情？她笑謂：「冇，只要自己知佢身體冇事就OK，我哋全家人健康都冇問題。」同場的趙式明被問到其父趙世光的身體狀況？她說：「佢身體一直有好轉，不過都要休息多啲，家媽咪照顧佢。」
採訪、攝影：譚倩宜