終於2010年酒花開盤了！Lafite（拉菲）開價1300歐元，折合14343港元，Mouton-Rothschild（武當）亦達795歐元。貴！花錢買酒，同時亦要花錢買酒櫃，因為酒櫃除了用作藏酒，亦可用作炫耀。
美國Sub-Zero酒櫃，百分百當地生產，單是比華利山住的人，95%以上選用。「買我哋嘅酒櫃，除咗買功能，最重要係我哋嘅品牌已經係一種身份象徵。」Sub-Zero市場傳訊部經理郭淑馨說。
捧場客包括碧咸朗尼
那些名人擁有這酒櫃？球星朗尼、碧咸、歌星麥當娜、美國地產大亨DonaldTrump，要數還有很多，但香港人較低調，未能列舉本地用家。
要炫耀身份，最巴閉是價值逾17萬元的限量版Sub-ZeroMiniWineBar，貴在除一般溫度調節，還結合酒櫃、酒杯架及芝士板，全意大利人手製造。矜貴！
可惜門市斷貨，揀「普通版」也不便宜，要9.3萬元，可放147支酒，設兩個溫度區域。櫃身不銹鋼造，可阻隔櫃內空氣流失，門邊磁石圈形成密封環境，令藏酒不受外界影響，「美國幾年前有個好強嘅龍捲風，7日冇電，但連最易變壞嘅奶都冇變，原因係密封做得好。」此外層架裝上滾軸輪，同時將機頭設於最低或最頂，方便修理，減低震動，總之令藏酒在最安靜環境下休息。
另一酒櫃名牌德國Miele，同樣經典，用家包括英國皇室。售8.8萬的嵌入式酒櫃，可放102支酒，Miele營業經理許傲群說，「Miele特色之處有3個溫度區域，一般只得兩個，令客人可以多啲選擇，除咗將飲同唔飲嘅酒分開，仲放到唔同種類嘅酒。」
該酒櫃裝上三層玻璃，「一般隔熱玻璃都係兩層，三層有效防紫外線。」外觀用上cleansteel，不會在外面留指紋，保持乾淨。
記者：陳皓怡
攝影：梁鑑章
紅上白下的誤解
藏酒的人，部份藏酒用作宴客，部份作收藏，至於收藏方法是否要「紅酒上白酒下」？
郭淑馨說：「紅酒上白酒下唔係唔啱，但淨係指即飲嘅酒。真正分法，分為收藏同即飲兩種，用來儲嘅酒平均喺10至12度，即飲嘅酒就分得再仔細啲，可能白酒凍啲，香檳再凍啲，紅酒就冇咁凍，要睇每種酒嘅body。白酒同香檳都可以放喺10度，紅酒就18度。」
此外，酒櫃內膽亦有學問，一般高級酒櫃多以木造，「層架用嘅係櫻桃木，密度較高，唔會受濕度影響而發霉。」
陳細潔：酒需要瞓覺
鯊魚女陳細潔選用名牌EuroCave，這款酒櫃麗嘉及君悅酒店均採用，「酒需要瞓覺，如果酒櫃放得太多酒，拎出嚟就好易郁到其他。」她專登在澳洲請設計師來港在家設酒庫「好多初哥會想先擁有一個小酒櫃，其實好快就會填滿。」
