熱刺嘅荷蘭中場雲達華治唔單止好波，仲好識得冧老婆施維雅㖭！身兼電視節目主持及模特兒的施維雅，原來喺舊年被驗出患乳癌，要接受化療，因此將一把長髮剪短，要戴假髮示人。
不過，施維雅話有一日雲達華治同佢講：「其實你短頭髮仲靚過戴假髮。」然後就攞出自己用開嘅髮泥，替施維雅gel頭！自此，施維雅就愛上咗短髮。由於佢哋兩夫婦經歷咗咁多事，所以喺日前喺法國聖特羅佩沙灘玩水時，33歲嘅施維雅同28歲嘅雲達華治當然鬼咁煙韌啦！而我求大俠見到施維雅身材應大則大、應細則細，又笑得鬼咁甜，相信佢已喺乳癌嘅陰霾度走咗出嚟喇。