噚日，某免費報紙刊登半版尋人啟示，以「6位數字重酬」搵龐英學同肖飛兩人。個啟示引人入勝嘅地方，除咗係百萬酬勞，仲特別提到中國燃氣（384）管理層中有同名同姓叫龐英學嘅人，唔知係咪同一人，無法證實。又話佢哋搵緊嗰位「龐英學」，曾經喺河北省滄州開公司，08年底前做咗中燃設備同物料總代理達6年。
更加「故弄玄虛」嘅係，提到佢哋刮緊嗰位「龐英學」同肖英，04年喺深圳搞咗間公司，作為中燃設備同材料總代理，兼要同中燃子公司度水1500萬。
段啟示又提醒讀者，根據香港法例，如果公司高層自身經營嘅生意，同上市公司有關，就要向相關部門申報。擺明係話有人作關連交易，但個啟示就請大家唔好亂估，仲話如果呢個啟示，搞到有關人等有所不便或精神緊張，佢地會致歉。