花旗股市連續第2日喺低位企穩，恒指收22900，升153點，成交雖然縮返啲，但睇衍生工具嘅變化，期指結算前恒指仲有機會上試23200。
下禮拜一期指結算，好淡雙方今日會把握機會搶攻，期指未平倉合約嘅變化啟示向好嘅機會大啲，如果外圍市況配合，港股今日可望裂口突破23000關。滙控（005）技術轉好，應該係帶動大市向上嘅股份。
招金C輪25175：招金礦業（1818）收17.16元，升4%。股價近日呈雙底回升，噚日升破20日線，技術指標轉強，日內料會反覆上試18.40元阻力，破位將向19.50元推進，可以諗吓隻C輪25175。
隻輪現價80仙，2011年12月28日到期，行使價14.44元，溢價7.5%，引伸波幅49%，槓桿率4.3倍（有效3.2倍），正股升上19.50元，25175睇1.17元，升幅近5成，正股跌穿16元就沽咗隻輪。
俊樺