李亞男和王祖藍這對長短腳戀人前晚齊齊錄影《華麗明星賽》，雖然王祖藍已醒目地穿上兩吋高皮鞋，但李亞男卻以4吋高踭鞋上陣，令祖藍頓時又矮女友一大截，祖藍更酸溜溜說：「佢同三哥（苗僑偉）襯啲。」李亞男也笑指朱茵與祖藍也很相襯，認真大兜亂。
由草蜢主持的無綫《華麗明星賽》前晚在將軍澳電視廣播城錄影「草蜢終極對決」，邀得李亞男、王祖藍、朱茵、苗僑偉（三哥）、小儀和方力申做嘉賓，他們更放紙炮慶祝收視報捷。
「突然拖佢手分心」
情侶檔上陣的李亞男和王祖藍被刻意編排分組比賽，李亞男被安排與三哥一組，祖藍則與高度相近的朱茵一組，當他們比賽甫士王時，各隊伍分別有取得滿分，反而到李亞男和祖藍以情侶檔迎戰時卻欠缺默契，加上因為高度差距令兩人取不到滿分，祖藍即死撐說：「因為我掛住提佢，突然一下拖佢手，分咗心。」
日前拗柴的李亞男前晚腳踏4吋高踭鞋，即時高祖藍一個頭，祖藍即搶說：「佢又靚又高，今日我追返兩吋，着咗兩吋高鞋，咁佢同三哥襯啲，我講埋出嚟都冇所謂。」李亞男也回敬說：「佢同朱茵都襯啲，佢嫌我唔夠高㖭，佢仲問我點解唔着6吋。」祖藍無奈自言高要高到盡，矮要矮到盡才能夠搶鏡，並表示今次玩遊戲要分頭搵食贏獎金獎品，所以才沒有安排一組。
祖藍撐小儀純天然
此外，對於同場的小儀被傳整容，祖藍就力撐說：「以我做實證，有乜都整腳先，話佢整鼻？整高個人先，有錢我都做助長器啦，我撐佢，佢喺我心目中永遠咁靚。」
採訪：溫敏芝
攝影：林德雄