【本報訊】最低工資條例規定僱主要備存月薪11,500元以下員工的工時資料。飲食業職工總會執行秘書黃必文表示，最低工資實施後，飲食業員工由以往每日打卡兩次，激增至每日最多8次，員工擔心遺忘打卡，工作壓力大增，「好多員工都呻好煩！」
員工呻好煩
黃必文說，員工以往打卡一般每日2次，返工一次，放工一次，但最低工資實施後，員工打卡次數卻增至6至8次，除返工、放工，落場前後要打卡兩次，每次用膳前後又要打兩次卡。若員工一日吃兩餐，前後要打四次卡，即一日合共最多8次，「有時做做吓嘢，先發現唔記得打卡，好煩。」
黃必文說，僱主規定所有員工，不論薪金多少都要打足卡，對員工構成很大壓力。
工會主席袁福和認為，員工打卡次數大增，主要原因是公司算死草，將員工用膳時間列明無薪，「如果飯鐘有薪，咪唔使成日打卡囉。」
袁福和又表示，飲食業以往慣常每月出糧兩次，分別在每月二日及十六日，但近年越來越多食肆改為每月出糧一次，並推遲至五號發薪，工會關注會否有更多僱主在最低工資實施後更改出糧安排，影響員工日常周轉。