樂壇新人周子揚噚日喺柴灣接拍咗個證券代言人廣告，雖然個廣告比較文靜，但佢都喺現場好跳躍，仲坐喺椅上扮晒一啲跳舞甫士，簡直冇時停。周子揚即將接新戲，講到會唔會好似老友陳柏宇咁好艷福，有靚女拍激情場面，周子揚話：「我都未問佢點解拍得咁激，平時佢感覺都好健康，我自己最多只係露上半身，唔會色情。」