喺西班牙邊對球星同另一半最受注目？係基斯坦奴朗拿度同俄羅斯名模艾琳娜？抑或係卡斯拿斯同佢嘅主播女友莎拉？全部都答錯！答案係沙比阿朗素同佢太太娜歌莉（NagoreAranburu、左圖）至啱。娜歌莉係西班牙著名女星，有樣有演技，佢同沙比喺今年1月已經俾西班牙版《時尚》雜誌選為全年最佳夫婦，而最近，娜歌莉又再次獲獎，獲《Glamour》雜誌選為擁有「全西班牙最美麗面孔」嘅人，認真巴閉。
至於沙比嘅皇家馬德里隊友卡斯拿斯，就喺上周五度過咗30歲生日。喺卡斯拿斯上載喺社交網頁facebook嘅相睇嚟，佢就好似好低調咁慶祝（圖），仲見唔到莎拉嘅芳蹤㖭！
