唐英年以長實主席李嘉誠為例子，說明港人可靠努力得到成功。不過部份商界及政界人士認為，唐的舉例十分不智，因李嘉誠形象已大不如前，商界也有不少人認為政府偏幫李家，只會出現反效果。
接近唐英年消息人士指出，唐接受訪問時引用李嘉誠、李兆基等地產商為例子，其實想借此向年輕人說明只要努力，一樣有機會白手興家。但有商界人士直言，李嘉誠這類大地產商過去的確是不少港人崇拜的成功人士，「但呢幾年市民對佢印象差咗好多，市民已經唔再講佢點白手興家，而係講佢點樣起樓、做生意賺到盡」。
董曾兩屆 李影響力大
就算商界也有人認為李家影響力太大，唐英年讚揚李嘉誠只會引起商界疑慮，「由董建華到曾蔭權，好多商人覺得李家對佢哋好有影響力，唐英年若果又係咁，未必係商界想見到，對佢爭特首未必有好處」。另一政界人士認為，若唐英年真的想推崇年輕人努力創業，不應拿地產商做例子，「係人都知今日年輕人冇可能再做地產發達」，應該以一些成功創業嘅80後青年為例。《蘋果》記者