【本報訊】城中名人相繼被揭發寓所僭建，著名傳媒人「大班」鄭經翰也捲入僭建風暴。鄭經翰位於山頂種植道的豪宅，天台被揭發違例加建了一層天台屋。鄭最初堅持不是僭建，又稱「買番嚟已經係咁」，後來改口指前業主有入則申請改建。不過，本報翻查屋宇署的建築圖則，發現天台除了升降機槽與樓梯位，並沒有任何批准的建築物。記者：黃偉駿
香港數碼廣播有限公司主席鄭經翰位於種植道21號三樓連天台的豪宅，是2000年底以2,233萬元買入，面積約2,900平方呎，呎價僅7,700元，相比現時屬於超筍價，因為種植道呎價目前平均由2萬至4萬元不等。
天台屋上另設圍欄
本報近日接獲居民投訴，指鄭的豪宅頂層有僭建物。本報日前到上址視察，發現種植道21號正整幢搭棚維修。不過，仍然清楚看到天台多了一層石屎建築物，並設有玻璃窗，天台屋之上另設有圍欄，估計佔了一整層面積。
記者致電鄭經翰時，他似乎已知道記者來意，聲稱近日因為更換了天台屋的玻璃窗，結果被人誤會是「玻璃屋」，「其實只係一個窗台，得一呎闊，你話係僭建又好，乜都好，我唔識答你，總之我依法辦事」。
至於天台屋是否僭建，他最初堅決否認：「你哋搞錯晒，下面嗰一層係咪僭建？梗係唔係啦，我買番嚟已經係咁。」他又說，上址有近60年樓齡，「舊樓我唔敢講，你知呢輪講多錯多，我買番嚟冇做過任何嘢，只係換咗啲窗」。天台屋上的鐵圍欄，他說僅四呎高，「得咁矮俾狗住咩？」
記者稍後翻查屋宇署的建築圖則，發現種植道21號的天台，除了升降機槽與樓梯位，並沒有任何准建的建築物，遂再致電鄭經翰求證，他一開口便反駁：「你嗰度係唔啱，我哋後來加建咗一部升降機，我唔知有冇入則，唔係我起，太複雜嘅嘢我冇辦法答你。」
記者問他買樓時是否知道僭建，他顯得更不耐煩：「我當年有查過……第一律師搵唔到圖則，我當年係因為有sunhouse（指天台屋）先買。買番嚟十幾年，圖則都搵唔到，你嗰張可能係最舊張圖，我想搵張圖睇吓都睇唔到。」
他又稱天台屋不是佔足一層，「我唔知幾多呎啦，總之冇一層，計埋房最多半層……嗰層有幾大面積我唔需要同你講，你唔好理我啲嘢啦，我唔係被告」。屋宇署表示會了解事件，若發現有僭建會作出跟進。