今年范冰冰同李冰冰都喺康城影展嘅紅地毯上搔首弄姿，不過章子怡似乎唔係咁順眼，仲話自己每次都會有作品先至行紅地毯，唔需要純行紅地毯嘅機會。原來子怡同雙冰喺內地競爭激烈，佢仲係雙冰嘅手下敗將，所以子怡同雙冰向來冇偈傾。
爭角色輸范冰冰
聽啲內地電影人講，子怡最近同范冰冰都想爭做中影投資、郭在容執導嘅《盛唐危機》，呢部戲前名係《楊貴妃》，聽講唐玄宗想搵周潤發做，結果范冰冰爭贏。中影一向同范冰冰關係密切，子怡落選一啲都唔出奇，之不過有人就好唔服氣。
另外，前年梅鐸老婆鄧文迪原本同子怡好老友，兩人打算合作投資《雪花秘扇》，但最後佢兩個發生咗啲問題，而鄧亦冇再預子怡投資同演出部戲，後來搵咗李冰冰代替佢，所以話雙冰係子怡剋星囉！