鄭融、HotCha及關心妍（Jade）昨日到港台出席「香江暖流」活動，阿融表示新碟得到很好的評價，問到她其外籍男友有否聽過其新歌？阿融說：「佢唔識聽中文，只係聽過《KissKissKiss》。」問她有否一邊聽一邊kiss？她笑說：「有都唔講畀你知啦。」阿融又表示父母沒有反對她與外國人拍拖：「一直我覺得要搵同文化嘅對象，後來媽咪話最緊要兩個人夾到，我先鬆咗一口氣。」當問到前男友莊冬昕為她監製會否感到尷尬？她說：「所有嘢都係順其自然。」
此外，Jade表示已有三個單位為她找到兩個紅館檔期，下月才知能否開騷，她說：「總之要喺生BB前開，唔係生完冇人睇。」
採訪：李珮洳
攝影：林德雄