小儀被爆曾在韓國整容大執，有如醜女大翻身，小儀昨日到灣仔拍攝節目，她對整容一事否認，並自稱：「細膽又孤寒，暫時唔會整容。」而且小儀對其樣貌一向充滿信心，特意用力搓鼻樑以示驗明正身。
森美和小儀昨日應邀到灣仔出席黃柏高主持的無綫收費電視節目《Paco的風花雪月》，大家暢談合作經歷，由於小儀剛被爆年前與男友甩拖後，為挽回自信，赴韓國大整容，故昨日森美和小儀合照時，森美專登以手小儀下巴，細看她的面容。
「只係角度問題」
事實上小儀現時樣貌跟早年有所改變，看起來較以前標致，及臉頰瘦削不少，但小儀對整容之說一概否認，她說：「全部都不實，會交畀律師處理，我冇去過韓國整容，如果要都搵贊助啦，呢啲好普遍。」小儀表示不抗拒別人整容，但自己就不能接受，還說：「身體每寸肌膚都受諸父母，要整即係我唔滿意，好不孝，自己接受唔到，但人哋整，我唔會有意見。」
小儀又對報道登的幾張照片解畫：「一張纖體食品相係打晒燈，有晒專業化妝師，而另一張就係Donald結婚當日嘅相，只係角度問題，唯一同以前唔同係我家識得用假眼睫毛。」
曾為身高自卑
至於是否失戀要大改造，小儀大方表示失戀已是幾年前的事，還滿有自信說：「光彩靠自己，我對自己一向有信心，只係讀書時曾因為矮而冇自信，但後來都接受。」小儀嘲笑自己：「我細膽又孤寒，曾經都有人叫我打botox，但我計過贊助我一段時間，日後維修好貴，我最叻計婆仔數，短期都唔會整。」
採訪：卓寶花 攝影：陳慧安
