歐債危機再浮現，影響投資者情緒，全球股市受壓。
歐債危機已經唔係單講希臘、西班牙或者意大利，而係整個歐盟嘅實力，歐元自然受壓，相信以德國為首嘅歐盟會加快進度推出應急措施。
港股反覆靠穩，恒指升19點，報收22730，成交縮減，已經具備反彈條件，23000係第一個阻力位。
中建材C輪29676：中國建材（3323）收14.58元，升3.4%。股價日前跌穿10日同20日線之後一直向下，前日喺50日線企穩，噚日破腳穿頭回升，料會上試15.10至15.40元，破位睇16.60元，可以諗吓隻C輪29676。
隻輪現價45仙，2011年10月31日到期，行使價14元，溢價11.5%，引伸波幅51.2%，槓桿率6.5倍（有效4倍），正股升上16.60元，29676有機會見72.8仙，升幅超過6成，正股跌穿13.80元就沽咗隻輪。
俊樺